دولــــــــــة بأهاليــــــــــــــها..

السلام عليكم ورحمه الله وبركاته






دولــــــــــة بأهاليــــــــــــــها..


يا خالق الكون وابعاد الفضا حوله..
يا عالم الجهر والنجوى وخافيها
ياللي بأمره مزون الودق ونزوله ..
من جود غيثه هشيم الأرض محييها
تعين عبد من الأيام محصولة ..
غفران ذنبه ونفس لك يزكيها
يمشي مع الوقت والخطوات مجهولة ..
إلى دروب أحاسيسه تمشيها
جوامح أفكاره اللي تتعب خيوله..
فيض المشاعر إذا نادت يلبيها
والكاعب اللي يلف القلب ميدوله..
ربي مزاياه في عيني محليها
لا مر زوله جميع الناس فزوا له ..
وليا جلس وقفت الدنيا على يديها
لا شفت عرضه شلون انصب في طوله ..
أشوف مستقبلي اللي رايح فيها
سبحان ربي خلقه وعدد فصوله..
كن السحايب تحت عينه يرسيها
أعضاه من بعضها ماهي بمسؤوله..
إلكل طامح على الدنيا واهاليها
لكل فعل اندفاعاته ومدلوله..
طيب..! فعول المقفي وش نسميها؟
قولوا له اللي تكلم عني قولوا له..
إللي ما هو قد حاجه لا يسويها
وان قال لي معضله اقول محلوله..
لو ثارت أعصابها أقدر أهديها
صغار الاحلام مرجوه وماموله..
بشرط طيب النوايا اللي ننويها
لو ان (مصر) يتجاهل قدر بوهوله ..
تقدره الأرض قاصيها ودانيها
والحاجه اللي وراها أشلا وشـ هوله ..
لو كنت أبيها بجنون أصير ما ابيها
أنوي بعيد الهدف ويديني تطوله ..
يوم الرجاجيل عنه تقصر يديها
والبكره اللي خذت الاعجاب وتنوله ..
تأكد ان طيبها من طيب راعيها
دايم تخلي وراها الركب في يوله ..
كن المسافات مختصرة تعديها
تقطع قوى الجاذبيه خف وسهوله ..
في وطيها كن لمس الأرض ياذيها
في شكلها تعجز الأوصاف !..مقيولة..
كل تمنى إذا باسمها يناديها
بس الأماني تجي حيه ومقتوله..
لاصارت الناس بالأوهام تبنيها
تحسب حسابات صعبه غير معقولة..
تنظر على فوق ما تحسب خطاويها
أفكار متشتته ونفوس معلوله..
لا صابها جرح تذكر من يداويها
سيل المطامع فلا يكفيه مبذوله ..
دام أغلب الناس ماشي يكفيها
كل من على الأرض ياخذ جوله وجوله ..
يحمد ربه على انه عايش فيها
ولو ان كل رجال كابق اسمه فعوله ..
يا كثر ناس بتشطب أساميها
أما (محمد إبن راشد) .. من يطوله؟
إسمه لا صار فـ قصايدنا يحليها
توقف معاني القصيدة فيه مذهوله..
تعجز تصور وصوفه في قوافيها
والشيخ ما هو بشيخ تعزه الدوله ..
الشيخ من عز له دوله باهاليها

قصيدة سمو الشيخ أحمد بن محمد بن راشد آل مكتوم (عزام

الكود:




تسلم اخوي ولد اليولة على الموضوع الجيد