على جدار الصمت

السلام عليكم ورحمه الله وبركاته


اشحالكم عساكم بخيير ...



اخليكم مع الابيات




على جدار الصمت خطيت ذكـراك

كتبتهـا بدمـوع عينـي تواقـيـع

وكتبت معها "مستحيل اني انسـاك"
تفنى قلـوب دون حبـك ولا ابيـع

ياماكسحت وجيه لجل اكسب رضاك
ولوعت قلب اللي عذل فيـك تلويـع

اول طموحي بين شوفـك ولامـاك
والثانيه من دون شوفـك باسابيـع

تلعب بي الاوهام لي حـل طريـاك
واعيش يومي بين وصـل وتوديـع

وعذب الكلام يصيـر مـرٍ بليـاك

وسلاسة الابيـات تصبـح تقاطيـع

والوم نفسي بيـن لـوك ولـولاك
واسهـر افكـر والاوادم خواشـيـع

معنيٍ نفسي على كثر مـا اهـواك
والبعد سارح في حشا الروح تمزيـع

يا قلب صبرك كان روّح وجافـاك
دامه يلاقي من ردى الوقت تشجيـع

يا قلب يكفـي مـن تـردّاه بكّـاك
خلى الوفاء والحب فينـا مصاريـع

ياقلب هون من غثا الحب وش جاك
لا تغرك افكار ٍ سـرت لـه توابيـع

ان ما تعشق اللي على الناس بدّاك
ولا الهوى ما في دروبـه مطاميـع

يا قلب . والدنيا تساهيل واشـواك
والناس فيها مثل صـف الاصابيـع

سمو الشيخ حمدان بن محمد بن راشد آل مكتوم (فزاع)